30.03.2012/09:01 - E Premte1

Vdes vajza e përdhunuar që tronditi Ukrainën

KIEV – Vdes Oksana Makar, vajza 18-vjeçare nga Ukraina dy javë pasi u përdhunua nga tre të rinj, të cilët më pas e hodhën në një gropë e i vunë flakën.

Ngjarja ndodhi më 9 mars në qytetin jugor Mykolaiv. Ajo ishte thuajse e vdekur kur u gjet dhe mjekët u detyruan t’i prisnin dy këmbët dhe një krah për t’i shpëtuar jetën.

Kurimi ishte i pamundur. Vajza kishte të djegur më shumë se gjysmën e trupit në një kohë që mushkëritë i kishte të shkatërruara.

Ngjarja ka shokuar vendin jo vetëm për brutalitetin e saj, por edhe për faktin se dy nga tre përdhunuesit, duke pasur prindër të lidhur me politikën, u liruan brenda disa ditësh. Nëna e saj, Tatyana Surovitska refuzoi të fliste me agjencinë e lajmeve, AP.

Komento: