20.03.2013/09:55 - E Mërkurë0

MASHT-i shkel vendimin e kryeministrit Thaçi

PRISHTINË - Ministria e Arsimit Shkencës dhe Teknologjisë nuk e ka respektuar një vendim që kryeministri Hashim Thaçi e ka nxjerrë fiks tash tri vjet. Vendimi ndalon mbajtjen e punëtorive që organizohen me mjetet e buxhetit të Kosovës, jashtë territorit të Kosovës.

Por, sipas një e-maili zyrtar, që ka siguruar "Tribuna", shihet se sekretarja e Këshillit për Arsim dhe Aftësim Profesional (KAAP), i dërgon zyrtarëve të MASHT-it dhe anëtarëve tjerë të KAAP-së, një ftesë për punëtori dyditore që është organizuar në Tiranë.

Në këtë punëtori, siç shkruan e-maili zyrtar, të gjitha shpenzimet e akomodimit, fjetjes dhe ushqimit mbulohen nga Ministria e Arsimit, Shkencës dhe Teknologjisë. Në agjendën e siguruar nga gazeta, shihet se nisja është bërë një ditë para se të fillojë konferenca, më 17 mars. Pastaj, një ditë më vonë, në hotelin “Tirana”, në kryeqytetin shqiptar, ka filluar punëtoria.

Kryetari i KAAP-it Ragip Gjoshi, njëherësh këshilltar i ministrit të Arsimit, Ramë Buja, ka nisur punimet, duke njoftuar të pranishmit për funksionimin e Këshillit. Tutje, fjalime kanë mbajtur edhe sekretari i përgjithshëm i MASHT-it, Xhavit Dakaj dhe zyrtarë tjerë të lartë të ministrisë.

Komento: