15.06.2011/17:57 - E Mërkurë1

Kosharja shpallet zonë e interesit nacional

PRISHTINË - Qeveria e Kosovës ka miratuar vendimi për shpalljen zonë e interesit të nacional për ngastrat kadastrale të fshatit Koshare, ku është zhvilluar Beteja e Koshares nga Brigada 138 Agim Ramadani.

Ministria e Mjedisit dhe Planifikimit Hapësinor duke respektuar vullnetin e Komunave të Gjakovës dhe Junikut dhe domosdoshmërinë e vënies në mbrojte të Koshares si zonë me interes të veçantë  për shkak të rëndësisë historike dhe kulturore për qytetarët e Republikës së Kosovës, i ka propozuar Qeverisë së Kosovës, shpalljen e hapësirës të fshatit Koshare ku është zhvilluar Beteja e Koshares - Zonë me interes të përgjithshëm dhe zonë me mbrojte të veçantë në një sipërfaqe prej 2488 ha, ka njoftuar MMPH.

Kjo është bërë me qëllim të ruajtjes së vlerave të luftës së Ushtrisë Çlirimtare të Kosovës, respektivisht ruajtjes së autencititetit të zonës në të cilën është zhvilluar Beteja e Koshares nga  Brigada 138 - Agim Ramadani.

“Marrja e vendimit për shpalljen e  hapësirës ku është zhvilluar “Beteja e Koshares”,nga “Brigada 138 - Agim Ramadani”, zonë me interes të veçantë apo zonë e mbrojtur, ka rëndësi të madhe historike, kulturore dhe strategjike  për të dëshmuar një ngjarje të rëndësishme, për sakrificën dhe dashurinë për liri para gjeneratave të tashme dhe atyre të ardhme”, thuhet në arsyetimin e propozimit.

Brenda kësaj zone përfshihet edhe Kompleksi Memorial i varrezave të dëshmoreve të renë në ”Betejën e Koshares” nga “Brigada 138 - Agim Ramadani”.

Parcelat kadastrale në këtë zonë janë prona private dhe shoqërore, të cilat duhet të shpronësohen sipas Ligjit për Shpronësimin e Pronës së Paluajtshme të  Republikës së Kosovës, ndërsa punimet për ndërtimin e memorialit do të fillojnë më 9 Prill 2012./KosovaOnline/

Komente 1

Kosharja23.02.2014/11:31

kur do te behet shpronsimi une jam nga fshati Koshare

Komento: